របបព្យុងយ៉ាងបញ្ជូនពលករច្រើនពាន់នាក់ទៅធ្វើការទាំងបង្ខំ នៅអាស៊ី អាហ្វ្រិក និងរុស្ស៊ី
របបកុម្មុយនិស្តកូរ៉េខាងជើង បានបញ្ជូនកម្លាំងពលករច្រើនពាន់នាក់ ឲ្យទៅធ្វើការទាំងបង្ខំនៅក្រៅប្រទេស និងប្រមូលប្រាក់ចំណូលចូលហិបរដ្ឋ ដោយខុសច្បាប់ ចំនួនច្រើនរយលានដុល្លារ ក្នុងមួយឆ្នាំៗ។ នេះបើតាមរបាយការណ៍ស៊ើបអង្កេតថ្មី របស់អង្គការសហប្រជាជាតិ ដោយសហការជាមួយរដ្ឋាភិបាល ១៧ ប្រទេស ដែលតាមដានការអនុវត្តទណ្ឌកម្មប្រឆាំងកូរ៉េខាងជើង។