ក្រុមប្រដាប់អាវុធអ៊ីស្លាមជ្រុលនិយម វាយប្រហារប៉ុស្តិ៍ប៉ូលិសប៉ាគីស្ថាន ស្លាប់មនុស្សយ៉ាងតិច ៣០នាក់
នៅភាគខាងជើងប្រទេសប៉ាគីស្ថាន ក្រុមប្រដាប់អាវុធអ៊ីស្លាមជ្រុលនិយម១ក្រុម បានវាយប្រហារស្នងការដ្ឋាននគរបាល បណ្តាលឲ្យមនុស្សស្លាប់ យ៉ាងតិច ៣១ នាក់។ ក្នុងនោះ ប៉ូលិសស្លាប់ ១៦ នាក់។ ហេតុការណ៍បាញ់ប្រហារនេះ កើតឡើងនៅរសៀលថ្ងៃសុក្រ ទី១៨កញ្ញា។ នេះបើតាមអាជ្ញាធរប៉ាគីស្ថាន ដោយបញ្ជាក់ថា ការប្រយុទ្ធតទល់គ្នា បន្តអូសបន្លាយ នៅព្រឹកថ្ងៃសៅរ៍នេះទៀត។