ក្រុមអ៊ីស្លាមផ្តាច់ខ្លួននៅភាគខាងត្បូងថៃ ប្រកាសប្តេជ្ញាប្រយុទ្ធលុះអវសាន ដើម្បីបានអំណាចនយោបាយ
ជម្លោះប្រដាប់អាវុធនៅភាគខាងត្បូងថៃ រវាងក្រុមឧទ្ទាមអ៊ីស្លាមផ្តាច់ខ្លួន និងទាហានរដ្ឋាភិបាលថៃ អស់រយៈពេលជាងពីរទសវត្សរ៍មកនេះ បានបណ្តាលឱ្យមនុស្សប្រមាណ៧៨០០នាក់ស្លាប់។ ថ្ងៃទី១៨កញ្ញា អ្នកនាំពាក្យរបស់ក្រុមបំបែកខ្លួនម៉ាឡេ-អ៊ីស្លាម ដ៏សំខាន់ ឈ្មោះ Barisan Revolusi Nasional (BRN) បានប្រកាសថា ក្រុមរបស់ខ្លួននឹងបន្តការតស៊ូប្រយុទ្ធលុះអវសាន រហូតដល់សម្រេចបានគោលដៅ។ តើនេះមានន័យថា ភាគខាងត្បូងថៃនឹងជួបអំពើហិង្សាអសន្តិសុខជាថ្មីឬ?