ឥណ្ឌូណេស៊ីទទួលស្វាគមន៍នាវាដឹកយន្តហោះចម្បាំងដំបូងបង្អស់ទិញពីអ៊ីតាលី
ឥណ្ឌូណេស៊ីទទួលស្វាគមន៍នាវាដឹកយន្តហោះចម្បាំងដំបូងបង្អស់របស់ខ្លួននៅថ្ងៃសុក្រ ទី ១៨ កញ្ញា។ នាវា ហ៊្គូសិបប៉េ ហ្ការីបាល់ឌី (Giuseppe Garibaldi) ជានាវាជជុះមានអាយុកាលប្រមាណ ៤១ឆ្នាំដែលឥណ្ឌូណេស៊ីបានទិញពីកងទ័ពជើងទឹកអ៊ីតាលី។ ក្នុងនាមជាប្រទេសមហាអំណាចសេដ្ឋកិច្ចទី១ នៃតំបន់អាស៊ីអាគ្នេយ៍ ឥណ្ឌូណេស៊ីកំពុងផ្តើមធ្វើទំនើបកម្មសម្ភារៈយោធាដើម្បីជំនួសសម្ភារៈយោធាចាស់ៗរបស់ខ្លួន។