គណបក្សកម្លាំងជាតិថាសកម្មជនបក្សម្នាក់ទៀតត្រូវបានអាជ្ញាធរចាប់ខ្លួនដោយគ្មានដីកា
ប្រធានយុវជនបក្សកម្លាំងជាតិ លោក ចក់ សារ៉ាយ ត្រូវបានសមត្ថកិច្ចក្រសួងមហាផ្ទៃចុះចាប់ដល់ផ្ទះក្នុងខេត្តសៀមរាបនៅថ្ងៃទី១៧ ខែកញ្ញា ដោយគ្មានដីកាត្រឹមត្រូវ។ នេះបើតាមសេចក្តីថ្លែងការណ៍របស់គណបក្សកម្លាំងជាតិចុះផ្សាយនៅថ្ងៃទី១៨ ខែកញ្ញា ឆ្នាំ២០២៦ នេះ។ គួរជម្រាបជូនថា ប៉ុន្មានឆ្នាំចុងក្រោយនេះ មានសកម្មជន មន្ត្រី និងថ្នាក់ដឹកនាំគណបក្សកម្លាំងជាតិមួយចំនួនត្រូវបានអាជ្ញាធរចាប់ខ្លួនដោយខ្លះកំពុងជាប់ឃុំក្នុងពន្ធនាគារ ក្រោមបទចោទផ្សេងគ្នា។