Сүхбаатар аймагт гарсан хээрийн түймрийг цурамд бүрэн оруулжээ
Сүхбаатар аймагт гарсан хээрийн түймрийг унтраахаар ажиллаж байгаа талаар Онцгой байдлын ерөнхий газраас мэдээллээ. Сүхбаатар аймгийн Мөнххаан сумын Баянтэрэм багийн Наран саран гэдэг газар /аймгийн төвөөс 90 км, сумын төвөөс зүүн хойш зүгт 60 км/ хээрийн түймэр гарсан тухай дуудлага есдүгээр сарын 17-ны 16:00 цагт бүртгэгдсэн байна. Дуудлагын дагуу тус аймгийн Онцгой байдлын газар, Түмэнцогт суман дахь Эрэн хайх аврах, бүлгийн алба хаагчид, Мөнххаан, Баруун-Урт сумын мэргэжлийн анги, Мөнххаан суманд үйл ажиллагаа явуулдаг “Хунт өгөөж”ХХК-ийн ажилтнууд зэрэг нийт 89 хүн, 17 автомашинтайгаар ажиллаж, 18-ны 01:59 цагт цурамд оруулан, бүрэн унтраахаар ажиллаж байна гэв.