គម្រោង «ស្អាត» ផ្តល់សេវាប្រមូលសំរាមដល់ពលរដ្ឋ ២៥ ០០០នាក់នៅតំបន់ជនបទខេត្តបាត់ដំបង
អង្គការអាយឌីអ៊ីកម្ពុជា សហការជាមួយទីភ្នាក់ងារស្វីសសម្រាប់ការអភិវឌ្ឍ និងកិច្ចសហប្រតិបត្តិការបានប្រកាសនៅថ្ងៃទី១៦ ខែកញ្ញា ឆ្នាំ២០២៦ ពីគម្រោងថ្មីមួយដែលគាំទ្រការផ្តល់សេវាប្រមូលសំរាមដល់ពលរដ្ឋ ២៥ ០០០នាក់ នៅតំបន់ជនបទក្នុងខេត្តបាត់ដំបង។ នេះបើតាមសេចក្តីប្រកាសព័ត៌មានរួម ដោយបន្ថែមថា គម្រោងនេះអាចកាត់បន្ថយការដុត និងការបោះចោលសំរាមពាសវាលពាសកាលយ៉ាងហោចណាស់ ៥០០តោនក្នុងមួយខែ។