អង្គការសិទ្ធិមនុស្សថ្កោលទោសចិនពីការបន្តធ្វើទារុណកម្មអ្នកទោសនៅក្នុងពន្ធនាគារ
ប្រទេសចិនបន្តធ្វើទារុណកម្មអ្នកទោសនៅក្នុងពន្ធនាគារ តាមរយៈការវាយដំ ប្រើហិង្សា បង្អត់អាហារនិងថ្នាំសង្កូវ ព្រមទាំងវាយសម្លុតយ៉ាងឃោរឃៅដើម្បីជំរិតយកចម្លើយសារភាព។ នេះបើតាមក្រុមគ្រួសារអ្នកទោសចិន និងអង្គការសម្ព័ន្ធអ្នកការពារសិទ្ធិមនុស្សចិន (CHRD) ដែលចុះផ្សាយរបាយការណ៍ថ្មីនៅថ្ងៃទី១៦ កញ្ញា។ អង្គការសិទ្ធិមនុស្ស រិះគន់រដ្ឋាភិបាលចិនថា ពុំបានគោរពអនុសញ្ញាអង្គការសហប្រជាជាតិប្រឆាំងទារុណកម្មដែលចិនបានផ្តល់សច្ចាប័ន។