កម្ពុជា និងទីម័រខាងកើតចុះកិច្ចព្រមព្រៀងលើប្រព័ន្ធទូទាត់ឌីជីថល និងការតភ្ជាប់ប្រព័ន្ធទូទាត់ឆ្លងដែន
ធនាគារជាតិនៃកម្ពុជា និងធនាគារកណ្តាលទីម័រឡេស្តេ បានចុះអនុស្សរណៈយោគយល់ ស្តីពីកិច្ចសហប្រតិបត្តិការទ្វេភាគីលើប្រព័ន្ធទូទាត់ឌីជីថល និងការតភ្ជាប់ប្រព័ន្ធទូទាត់ឆ្លងដែន នាថ្ងៃទី១២ ខែកញ្ញា ឆ្នាំ២០២៦ នៅទីក្រុងឌីលី ប្រទេសទីម័រខាងកើត។ កម្ពុជាចាត់ទុកកិច្ចសហប្រតិបត្តិការនេះជាការលើកកម្ពស់ការទូទាត់ជារូបិយវត្ថុក្នុងស្រុក ដើម្បីគាំទ្រសកម្មភាពពាណិជ្ជកម្ម និងការវិនិយោគរវាងប្រទេសទាំងពីរ។ អ្នកជំនាញសេដ្ឋកិច្ចយល់ថា នេះជាឱកាសរបស់កម្ពុជាក្នុងការពង្រីកការនាំចេញផលិតផលកសិកម្មរបស់កម្ពុជាទៅប្រទេសទីម័រខាងកើត។