Б.Пүрэвдагва: ТҮЦ хариуцсан орон тооны бус зөвлөх бий ч ахиц харагдахгүй байна
<p>Нийслэлийн удирдах ажилтнуудын шуурхай зөвлөгөөн өнөөдөр(2026.09.14) болж ТҮЦ-үүдийг цэгцлэх асуудал яригджээ.</p> <p>Энэ тухай <strong>хотын дарга Б.Пүрэвдагва</strong> "ТҮЦ хариуцсан орон тооны бус зөвлөх байгаа ч ахиц харагдахгүй байна. УБЗАА-ны дарга Мэндбаярыг ТҮЦ эрхлэгч нар болон орон тооны бус зөвлөхтэйгөө уулзаж, цэгцлэх үүрэг өгч байна.</p> <p>Сүхбаатар дүүргийн Дөлгөөн нуурын гудамжаар өчигдөр явлаа. Зам дагуу матрас тавьчихсан, хог шороотой, ТҮЦ хаанаасаа ч тогоо татчихсан юм, замбараагүй болсон байна.</p> <p>Хойшоогоо төв замууд авах юм алга. Дүүргийн дарга нар амралтын өдрүүдэд гудамж, талбайгаар явж үзэх хэрэгтэй.</p> <p>Хотын төвд нийтийн эзэмшлийн талбай, явган хүний зам дээр ТҮЦ байрлуулахгүй байх зарчим баримталсан хэвээр байгаа" хэмээв.</p> <p>Нийслэл хотод өнгөрсөн оны дөрөвдүгээр сараас эхлэн автобусны зогсоол болон нийтийн эзэмшлийн газрын 100 гаруй байршилд үйл ажиллагаа явуулж байсан 1,278 ТҮЦ-ийг нүүлгэсэн ч дахин байршуулсан асуудал үүсжээ.</p>