ភូមាចាត់ទុកឯកអគ្គរដ្ឋទូតខ្លួនប្រចាំអ.ស.ប. ជាជនខុសច្បាប់ ព្រោះបន្តស្មោះនឹងលោកស្រីអ៊ុងសាន ស៊ូជី
រដ្ឋាភិបាលភូមា ដែលមានកងទ័ពគាំទ្រពីក្រោយ បានប្រកាសនៅថ្ងៃអាទិត្យ ទី១៣ ខែកញ្ញា ថាឯកអគ្គរដ្ឋទូតរបស់ខ្លួនប្រចាំអង្គការសហប្រជាជាតិ លោក ច ម៉ឺ ទុន ( Kyaw Moe Tun) កំពុងកាន់កាប់មុខងារនេះដោយខុសច្បាប់។ លោក ច ម៉ឺ ទុន ត្រូវបានរដ្ឋាភិបាលលោកមីន អ៊ុងឡាំង ចោទថាជាជនក្បត់ជាតិ ព្រោះបានបន្តស្មោះស្ម័គ្រចំពោះ លោកស្រី អ៊ុងសាន ស៊ូជី។