កូរ៉េខាងជើងប្រឹងរក្សាមុខមាត់ជាតិនាឱកាសកីឡាអាស៊ីក្នុងប្រទេសជប៉ុន
ថ្ងៃសុក្រ ទី១១កញ្ញា ក្រុមកីឡាករនិងប្រតិភូកីឡាកូរ៉េខាងជើងបានធ្វើដំណើរទៅដល់ព្រលានយន្តហោះ កាន់សៃ (Kansai) ប្រទេសជប៉ុន។ ពលរដ្ឋកូរ៉េខាងជើងកម្រនឹងត្រូវអន្តរជាតិទទួលស្គាល់និងអនុញ្ញាតឲ្យចូលប្រទេសណាស់ ព្រោះតែរបបក្រុងព្យុងយ៉ាងជាប់ទណ្ឌកម្មអន្តរជាតិ ក្នុងសំណុំរឿងអភិវឌ្ឍកម្មវិធីអាវុធនុយក្លេអ៊ែរ។ ជប៉ុនទទួលអត្តពលិកកូរ៉េខាងជើង នៅពេលនេះ ឋិតក្នុងក្របខណ្ឌកីឡាអាស៊ីតែប៉ុណ្ណោះ។ បើពុំដូច្នោះទេ ជប៉ុនមិនអនុញ្ញាតឲ្យប្រជាជនកូរ៉េខាងជើង ជាន់ទឹកដីជប៉ុនឡើយ។