តុលាការហុងកុងផ្តន្ទាទោសសកម្មជន ៣រូបដែលរៀបចំរំឭកខួបបង្ក្រាបនៅទីលានធានអានមិន
អាជ្ញាធរហុងកុងបន្តអនុវត្តច្បាប់សន្តិសុខជាតិយ៉ាងចាស់ដៃ ដោយចាប់ខ្លួន និងកាត់ទោសសកម្មជនសិទ្ធិមនុស្សដាក់ក្នុងពន្ធនាគារ។ ច្បាប់សន្តិសុខជាតិហុងកុងនេះប្រកាសឲ្យប្រើនៅឆ្នាំ២០២០ ដោយអនុម័តក្រោមខ្សែញាក់របស់អាជ្ញាធរក្រុងប៉េកាំង។ នៅថ្ងៃទី១១ កញ្ញា ២០២៦នេះ តុលាការហុងកុងបានប្រកាសសាលក្រមផ្តន្ទាទោសចំពោះសកម្មជនសិទ្ធិមនុស្ស ៣ នាក់ឲ្យជាប់ក្នុងពន្ធនាគារចន្លោះពី ៥ ទៅ ៧ឆ្នាំ។ អាជ្ញាធរហុងកុងចាប់ខ្លួនអ្នកទាំង ៣ ដោយសារតែពួកគេបានរៀបចំពិធីរំឭកខួបបង្ក្រាបបង្ហូរឈាមនៅទីលានធានអានមិន។