Б.Мягмардорж: Сургуулийн орчмын бүс болон шугам замд явж байгаа хүүхдийн автобуснуудын аюулгүй байдлыг дахин шалгаж байна
<p>Сургуулийн автобусны аюулгүй байдалд хяналт тавьж байгааг мэдээллээ.</p> <p>Энэ тухай <strong>Нийтийн Тээврийн Бодлогын Газрын автотээврийн улсын байцаагч Б.Мягмардорж</strong> "Наймдугаар сарын 17-31-ний хооронд хүүхдийн автобуснуудыг техникийн үзлэг оношилгоонд хамрууллаа. Энэ хугацаанд 200 гаруй автобуснаас 90 гаруй хувь үзлэг оношилгоонд бүрэн хамрагдаж, хүүхдүүдийг тээвэрлэж байна.</p> <p>Хүүхдийн аюулгүй байдлыг хангах зорилгоор хичээл эхэлснээс хойш буюу есдүгээр сарын 1-нээс эхлэн сургуулийн орчмын бүс болон шугам замд явж байгаа хүүхдийн автобуснуудыг дахин шалгаж, хянах ажлыг үргэлжлүүлж байна" гэлээ.</p> <p>Шалгалтын ажиллагааг Нийслэлийн Боловсролын Газартай хамтран зохион байгуулж байгааг тэрбээр тодотгов.</p> <p>Тус газраас энэ хичээлийн жилд 64 чиглэлд 67 автобусаар ерөнхий боловсролын 84 сургуульд үйлчилж байгаа бол өнгөрсөн хичээлийн жилд 62 чиглэлд 67 автобусаар 82 сургуулийн сурагчдыг тээвэрлэжээ.</p>