ក្រសួងយុត្តិធម៌បញ្ជូនករណីចាប់មនុស្សច្រឡំទៅឧត្តមក្រុមប្រឹក្សាអង្គចៅក្រម និងស្រាវជ្រាវបន្ថែម
អ្នកនាំពាក្យក្រសួងយុត្តិធម៌បានឲ្យដឹងនៅថ្ងៃទី១០ ខែកញ្ញា ឆ្នាំ២០២៦នេះថា រដ្ឋមន្ត្រីក្រសួងយុត្តិធម៌បានសម្រេចបញ្ជូនករណី «ចាប់មនុស្សច្រឡំ» នៅតុលាការខេត្តស្ទឹងត្រែងទៅកាន់ក្រុមប្រឹក្សាវិន័យនៃឧត្តមក្រុមប្រឹក្សានៃអង្គចៅក្រម។ ការសម្រេចរបស់រដ្ឋមន្ត្រីក្រសួងយុត្តិធម៌ពេលនេះធ្វើឡើង ស្របពេលពលរដ្ឋខ្មែរឥស្លាម ២រូបដែលអះអាងថាជាជនរងគ្រោះបានដាក់បណ្តឹងទៅកាន់ស្ថាប័នកំពូលច្បាប់មួយនេះ។