Ч.Хишигдалай: Нийслэлийн ШТС-уудад өчигдөр 900 орчим тонн, орон нутагт 700 тонн автобензин түгээгээд байна
<p>Шатахууны хангамж нэмэгдүүлэх үүрэг бүхий шуурхай штабаас ээлжит хурлаа өнөөдөр зохион байгууллаа.</p> <p>Улаанбаатар төмөр замын хэмжээнд 67 вагон цистерн буюу 4,000 орчим тонн АИ-92 төрлийн автобензин буухаас өнөөдөр 28 вагон цистерн шатахууныг агуулахад буулгаж байгааг <strong>АҮЭБЯ-ны</strong><strong> Газрын тосны бодлогын хэрэгжилтийг зохицуулах газрын дарга Ч.Хишигдалай </strong>хэллээ. </p> <p><strong>Тэрбээр </strong>үргэлжлүүлэн<strong> </strong>"Монгол Улсын шатахууны импорт хангамж тасралтгүй үргэлжилж байна. <span class="ikon-shareable-twitter">Есдүгээр сарын 1-10-ны хооронд нийт 21,000 тонн АИ-92 төрлийн автобензинийг импортолсон. </span></p> <p>БНСУ-аас долоодугаар сард захиалж гэрээ хийсэн бүтээгдэхүүн эхний ээлжид орж ирсэн байна. Тухайлбал 36 вагон буюу 2,000 орчим АИ-92 автобензин Замын-Үүд боомтоор орж ирсэн бөгөөд шилжүүлэн ачих ажлыг хийж байна.</p> <div class="ikon-block-container"> <p>Өчигдөр Улаанбаатар хотын Шатахуун Түгээх Станц (ШТЦ)-уудад нийт 900 орчим тонн газрын тосны бүтээгдэхүүн тэр дундаа АИ-92 төрлийн автобензинийг түгээсэн.</p> <p>Орон нутгийн 66 шатахуун түгээх станц руу нийтдээ 700 орчим тонн АИ-92 автобензинийг ачилтад гаргасан байна.</p> </div> <p>Сүхбаатар, Замын-Үүд боомтоор орж ирж байгаа шатахууныг буух өртөөдөд тээвэрлэн хүргэх, буулгаж ШТС-уудад түгээх ажлыг ААН-үүд болон Улаанбаатар төмөр зам, Гаалийн ерөнхий газрын холбогдох байгууллагууд хамтарч зохион байгуулж байна. Уг үйл ажиллагааг 24 цагаар тасралтгүй хийж байгаа" гэлээ. </p>