Холливүүдийн од Николас Кэйжийн гэрийн гадаах зам цөмөрч, асар том нүх бий болжээ
<p>Сүүлийн өдрүүдэд Калифорни мужийн өмнөд хэсэгт хүчтэй аадар бороо орсны улмаас эргийн Малибу хотын суурьшлын бүсийн нэг авто зам цөмөрч, асар том нүх бий болжээ.</p> <p>Хааш хаашаагаа 9 метр орчим хэмжээтэй энэ аварга нүх нэгэн амины орон сууцны залгаа зам дээр үүссэн байна.</p> <p>Нью-Йорк Таймс сонины мэдээлснээр уг орон сууцыг 2024 онд Холливүүдийн од Николас Кэйж худалдан авч байжээ.</p> <p>Кэйж нь “Leaving Las Vegas” киногоороо Оскарын шагнал хүртэж, “Gone in 60 seconds”, “Face/Off”, “Con Air” зэрэг олон киногоороо алдаршсан жүжигчин юм.</p> <p>Замын хагарал Даваа гарагаас ажиглагдаж эхэлснийг тухайн газрын оршин суугчид мэдээлжээ.</p> <p>“Тэр үед бид тийм их санаа зовоогүй. Амархан засах боломжтой гэж бодож байлаа. Гэвч удалгүй маш том нүх үүссэн” гэж нэгэн оршин суугч Los Angeles сэтгүүлд ярьсан байна.</p> <p>Мягмар гарагийн өглөө эрт замын цөмрөлт улам өргөжин тэлжээ.</p> <div class="ikonmedia margin-bottom16" contenteditable="false" da="zoom"><img class="thumb" src="https://content.ikon.mn/news/2026/9/10/sdrx2g_2026-09-09T185850Z_353756896_RC2NFNA9MNAF_RTRMADP_3_USA-WEATHER-CALIFORNIA-DAMAGE_ph.jpg" /> <img alt="зураг" class="ikonlazy" data-action="zoom" data-src="https://content.ikon.mn/news/2026/9/10/sdrx2g_2026-09-09T185850Z_353756896_RC2NFNA9MNAF_RTRMADP_3_USA-WEATHER-CALIFORNIA-DAMAGE_x974.jpg" /> <div class="ikonarsave" style="font-size: 0;line-height: 0;padding-bottom: 66.71875%;"> </div> <div class="ikcaption">Гэрэл зургийг Reuters агентлагийн онцгой зөвшөөрөлтэйгөөр ашиглав</div> </div> <p class="phalf">Энэхүү цөмрөлтийн улмаас шугам эвдэрч, хий алдагдсаныг онцгой байдлын албан хаагчид засварласан байна.</p> <p>Далайд дэгдсэн Мари хар салхины улмаас Калифорни мужийн өмнөд хэсэгт үер усны түгшүүр зарласны дараа уг цөмрөлт бий болжээ. Уг хар салхи одоогоор эх газраас хол байгаа ч далайн давлагааг эрчимжүүлж, олон өдөр үргэлжилсэн усархаг бороо ороход хүргэж байгаа юм.</p> <p>Малибу хотын захиргаа нүх үүссэн гудамжны таван орон сууцны орц гарцыг “хүн зорчиход аюултай” гэсэн дүгнэлт гаргажээ.</p> <p> </p> <p>Эх сурвалж: <strong>BBC</strong></p> <p> </p>