Энэ сарын 12-13-нд шилжих шөнө газар тариалангийн бүс нутгаар хөрсөн дээр цочир хүйтэрнэ
<p>Энэ сарын 12-13-нд шилжих шөнө газар тариалангийн бүс нутгаар хөрсөн дээр цочир хүйтэрч болзошгүй тул ил задгай төмс, хүнсний ногоо хайрагдахыг цаг уурын байгууллагаас анхаарууллаа. </p> <p><strong>2026 оны 09-р сарын 11-15-ныг хүртэлх цаг агаарын урьдчилсан төлөв: </strong></p> <p><strong>Хур тунадас: </strong></p> <ul> <li>11-ны өдөр Дархан, Сэлэнгийн ихэнх, Хэнтий, Дорнодын хойд, Төв аймгийн зүүн хойд сумдын нутгаар,</li> <li>12-ны өдөр Төв, Сэлэнгийн зүүн, Хэнтий, Дорнод, Сүхбаатарын зарим сумдын нутгаар,</li> <li>13-нд Дорнодын зарим сумдын нутгаар 0.0-5.0 мм бороо орно.</li> </ul> <p><strong>Салхи</strong> ихэнх нутгаар баруун хойноос секундэд 4-9 метр, 12, 13-нд нутгийн зүүн хэсгээр 12-14 метр хүрч ширүүснэ.</p> <p><strong>Агаарын температур: </strong></p> <ul> <li>Нутгийн баруун хэсгээр өдөртөө дулаан байна. Шөнөдөө Дархадын хотгор, Завхан, Заг, Байдраг голын эхээр -1...-6 градус хүйтэн,</li> <li>Алтай, Хангай, Хөвсгөл, Хэнтийн уулархаг нутаг, Идэр, Тэс, Туул, Тэрэлж, Хэрлэн голын хөндийгөөр -1...+4 градус,</li> <li>Их нууруудын хотгор, говийн бүс нутгийн өмнөд хэсгээр +9...+14 градус,</li> <li>бусад нутгаар +3...+8 градус дулаан,</li> <li>өдөртөө Хангай, Хөвсгөл, Хэнтийн уулархаг нутаг, Завхан голын эх, Хүрэнбэлчир орчмоор +14...+19 градус,</li> <li>говийн бүс нутгийн баруун өмнөд хэсгээр +25...+30 градус,</li> <li>бусад нутгаар +19…+24 градус дулаан байна. </li> </ul>