Голомт банк харилцагчдынхаа худалдаа, төлбөр тооцоог дэмжихээр Bank of China-тай стратегийн хамтын ажиллагааг эхлүүллээ
<p style="margin-bottom: 11px; text-align: justify;">Голомт банк БНХАУ-ын Bank of China болон Xiamen C&D Inc.-тай Монгол, Хятадын аж ахуйн нэгжүүдийн хоорондын худалдаа, төлбөр тооцоог дэмжих гурван талт хамтын ажиллагааны санамж бичгийг Шиамэнь хотноо болсон олон улсын хамтын ажиллагааны арга хэмжээ (CIPS Exhibition on Bank-Enterprise Collaboration)-ний үеэр байгууллаа.</p> <p style="text-align: justify;">Энэхүү хамтын ажиллагаа нь Хятадын төрийн өмчит томоохон корпорац болох Xiamen C&D Inc. болон Монголын аж ахуйн нэгж, байгууллагуудын хоорондын худалдаа, төлбөр тооцоог илүү хурдан, найдвартай, үр ашигтай хэрэгжүүлэхэд чиглэнэ. Xiamen C&D Inc. нь уул уурхай, барилгын материал болон түүхий эдийн худалдааны чиглэлээр үйл ажиллагаа явуулдаг компани бөгөөд Монголын олон аж ахуйн нэгж, байгууллагатай олон жилийн турш хамтран ажилласаар иржээ.<iframe frameborder="0" height="366.190625" scrolling="no" src="https://ikon.mn/ps/2015" width="678"></iframe></p> <p style="margin-bottom: 11px; text-align: justify;">Голомт банк Монгол Улсын хил дамнасан юанийн төлбөр тооцооны 30% хувийг гүйцэтгэдэг бөгөөд 2024 онд олон улсын юанийн төлбөр тооцооны үндсэн дэд бүтэц болох CIPS системд нэгдсэн. Ингэснээр Монголын аж ахуйн нэгж, байгууллагууд БНХАУ-ын түншүүдтэй хийх юанийн төлбөр тооцоогоо богино хугацаанд гүйцэтгэх, олон улсын худалдааны үйл ажиллагаагаа илүү үр ашигтай зохион байгуулах нөхцөл бүрдсэн юм.</p> <blockquote> <p style="text-align: justify;"><strong>Голомт банкны Ерөнхийлөгч Г.Ганболд </strong></p> <p style="text-align: justify;">Монгол, Хятадын худалдаа, хөрөнгө оруулалтын хамтын ажиллагаа тогтвортой тэлж буй энэ үед бизнес эрхлэгчдийн хувьд найдвартай төлбөр тооцоо, шуурхай санхүүжилтийн хэрэгцээ улам бүр нэмэгдэж байна. Энэхүү хамтын ажиллагаа нь Монголын аж ахуйн нэгжүүдэд хил дамнасан юанийн төлбөр тооцоогоо илүү үр ашигтай хийх, худалдааны санхүүжилтийн боломжоо өргөжүүлэх бодит дэмжлэг болно гэдэгт итгэлтэй байна. Цаашид бид харилцагчдадаа олон улсын шилдэг туршлагад суурилсан санхүүгийн бүтээгдэхүүн, үйлчилгээг хүргэх чиглэлээр стратегийн түншүүдтэйгээ хамтын ажиллагаагаа улам өргөжүүлэх болно.</p> </blockquote> <p style="text-align: justify;">БНХАУ нь Монгол Улсын худалдааны хамгийн том түнш улс бөгөөд хоёр улсын худалдааны эргэлт жилээс жилд өсөн нэмэгдэж байна. Иймд худалдаа, хөрөнгө оруулалтын урсгалыг дэмжих хүрээнд Голомт банк Хятадын тэргүүлэх банк, санхүүгийн байгууллагуудтай хамтран Монгол Улс болон БНХАУ хоорондын түншлэлийн сүлжээг улам бэхжүүлж, хоёр улсын аж ахуйн нэгжүүд хоорондын худалдаа, төлбөр тооцоог илүү хүртээмжтэй, шуурхай, найдвартай хэрэгжүүлэх боломжийг бүрдүүлэхийн зэрэгцээ худалдааны санхүүжилт, хил дамнасан санхүүгийн шийдлүүдийг хөгжүүлэх замаар харилцагчдынхаа бизнесийн өсөлтийг дэмжин ажиллаж байна.</p> <p style="text-align: center;"><strong>Дэлхийн жишиг Монголын банк</strong></p> <p style="text-align: center;"> </p>