Олтин қимматлашиши ҳисобига Ўзбекистоннинг олтин-валюта захиралари 72 млрд доллардан ошди
Ўзбекистоннинг олтин-валюта захиралари август ойида $7,8 млрдга ошиб, $72,1 млрдга етди. Асосий ўсиш олтин нархининг 13,6 фоизга қимматлаши ҳисобига таъминланди. Шу билан бирга, Марказий банк қимматбаҳо металлнинг физик захирасини қарийб 8 тоннага ошириб, рекорд даража — 438,9 тоннага етказди.