COP17 бага хурлын хугацаанд зочид буудлуудад ₮5.4 тэрбумын орлого орсон байна
<p>COP17 бага хурлын үр дүнгийн талаар хэвлэлийн бага хурал зарлаж, мэдээлэл өглөө. </p> <p>Манай улсад наймдугаар сарын 17-28-ны өдрүүдэд зохион байгуулсан олон улсын хурлын дотоодын эдийн засагт үзүүлсэн үр өгөөжийн талаар товч мэдээллийг <strong>Байгаль орчин, уур амьсгалын өөрчлөлтийн сайд Ц.Сандаг-Очир</strong> танилцуулав. </p> <hr /> <hr /> <p><strong>Тэрбээр</strong> "Бид бүхэн анх 6,500 орчим гадаадын зочин ирнэ гэж төлөвлөж байсан.</p> <p>Зочид буудал, нийтийн хоол, тээвэр, худалдаа үйлчилгээний салбарт 120 орчим тэрбум төгрөгийн шууд эргэлтийг бий болгоно хэмээн тооцоолж байсан. Гэтэл яг гүйцэтгэлээр гадаадын 11,000 гаруй зочин төлөөлөгчид ирсэн.</p> <p>Анхны тооцооллоос 69 хувиар өндөр үзүүлэлттэй гарсан байна. Зөвхөн зочид буудлын салбарт гэхэд 14,000 гаруй ор захиалагдаж 5.4 тэрбум төгрөгийн шууд орлого зочид буудлуудад орсон гэсэн тооцоо судалгааг гаргажээ.</p> <p>Мөн 2026 оны наймдугаар сард Монгол Улсад 141,000 гаруй жуулчин ирсэн байна" гэлээ. </p>