លោក ហ៊ុន ម៉ាណែត៖ ករណីបាក់ច្រាំងទន្លេដោយការបូមខ្សាច់ត្រូវផ្អាកភ្លាម និងមិនត្រូវរងចាំការវាយតម្លៃ
ប្រមុខរដ្ឋាភិបាលកម្ពុជា លោក ហ៊ុន ម៉ាណែត បានបញ្ជាឲ្យក្រសួងពាក់ព័ន្ធចុះពិនិត្យទីតាំងបាក់ច្រាំងទន្លេដែលបាន និងកំពុងកើតឡើងថ្មីៗនេះ។ នាយករដ្ឋមន្រ្តីបានតម្រូវឲ្យបែងចែកច្បាស់លាស់រវាងការបាក់ច្រាំងទន្លេដោយសារតែការបូមខ្សាច់ និងការបាក់ច្រាំងទន្លេដែលមកពីកត្តាធម្មជាតិ។ នេះបើតាមវីដេអូដែលលោក ហ៊ុន ម៉ាណែតបានថ្លែងនៅក្នុងកិច្ចប្រជុំគណរដ្ឋមន្ត្រីកាលពីថ្ងៃសុក្រ ទី៤ កញ្ញាសប្តាហ៍មុន និងដែលលោកទើបបានផ្សាយនៅលើហ្វេសប៊ុកផ្លូវការរបស់លោកនាព្រឹកថ្ងៃទី៩ខែកញ្ញានេះ។