ក្រុមហ៊ូទីយេម៉ែន វាយប្រហារទ្រង់ទ្រាយធំនៅអារ៉ាប៊ីសាអូឌីត របួសជាង៧០នាក់
ថ្ងៃអង្គារទី៨កញ្ញា អារ៉ាប៊ីសាអូឌីតបានឲ្យដឹងថា ក្រុមហូទីយេម៉ែន កូនចៅរបស់អ៊ីរ៉ង់ បានបើកការវាយប្រហារទ្រង់ទ្រាយធំ ចូលមកក្នុងតំបន់ភាគខាងត្បូងអារ៉ាប៊ីសាអូឌីត ដែលសំបូរទៅអណ្តូងប្រេងនិងរោងចក្រចម្រាញ់ប្រេង។ យ៉ាងហោចណាស់ មានមនុស្សរងរបួសជាង៧០នាក់។ ក្រុមហ៊ូទីយេម៉ែនវិញ បានអះអាងថា ការវាយប្រហារនេះ គឺជាការសងសឹក បន្ទាប់ពីកងទ័ពអាកាសអារ៉ាប៊ីសាអូឌីត បានវាយប្រហារចំនួន១២១ដង ក្នុងរវាង៣ថ្ងៃកន្លងមកនេះ។