ព្យុងយ៉ាងបង្អួតនាវាចម្បាំងថ្មី មានបំពាក់អាវុធនុយក្លេអ៊ែរ ?
កូរ៉េខាងជើងបានសម្ពោធដាក់ឱ្យដំណើរការនាវាចម្បាំងថ្មីមួយគ្រឿង នៅថ្ងៃអាទិត្យទី៦ កញ្ញា ក្រោមអធិបតីភាពរបស់លោកប្រមុខគីម ជុងអ៊ុន។ បើតាមលោក គីម ជុងអ៊ុន នាវាថ្មីនេះ ជាផ្នែកមួយនៃប្រព័ន្ធសព្វាវុធដែលមានសមត្ថភាពវាយប្រហារកម្ទេចសងសឹកយ៉ាងខ្លាំងក្លា។ តែមេដឹកនាំកូរ៉េខាងជើងមិនបានបញ្ជាក់ទេថា តើនាវាចម្បាំងនេះមានបំពាក់អាវុធនុយក្លេអ៊ែរ ឬអត់។