ФОТО: Дуэйт Ховард 15 жилийн дараа Монголд дахин ирлээ
<p>Өнгөрсөн гуравдугаар сарын 12-нд зодог тайлахаа зарласан Дуэйт Ховард сагсан бөмбөгт эргэн ирлээ. Ингэхдээ тэр Монголын Дээд лигийн "SG Apes" багтай шинэ гэрээг үзэглэснээ өнгөрсөн наймдугаар сарын 29-нд зарласан юм.</p> <p>Тэрбээр өнөөдөр 11:00 цагаас Чингис хаан нисэх буудалд газардсан. </p> <p>Д.Ховардын хувьд энэ сарын 9-нд буюу Лхагва гарагт "SG Apes" болон "Сэлэнгэ Бодонс" багийн улирлын өмнөх тоглолтод оролцохоор төлөвлөж байна. Харин улирлыг цаашид үргэлжлүүлэх эсэх нь одоогоор тодорхойгүй байгаа юм. </p> <p>Өдгөө 40 настай Д.Ховардын хувьд хамгийн анх 2011 онд тухайн үеийн Монголын Сагсан Бөмбөгийн Холбооны бүх оддын тоглолтын зочноор ирж байв. Тэр үед Д.Ховард "Орландо"-гийн лидер тоглогч байсан билээ. Хамгийн сүүлд "Лос Анжелес Лэйкерс" багт 2022 оны улирлыг дуустал тоглоод дараа нь Тайванийн лигт нэг улирал тоглосон билээ.</p> <p>Өнгөрсөн жил Ice Cube-ийн үүсгэн байгуулсан 3х3 сагсан бөмбөгийн Big League-т тоглосныхоо дараа сагсан бөмбөгөөсөө зодог тайлах шийдвэр гаргасан юм. Энэ лиг нь түүний хөрөнгө оруулсан олон бизнесийнх нь нэг билээ. </p> <h2 style="text-align: center;">ФОТО</h2>