НҮБ-ын баталсан шинэ газрын зураг дээр Монгол улсын нутаг дэвсгэр өмнөхөөсөө 1.5-2 дахин жижиг харагддаг болжээ
<p>Баасан гарагт НҮБ-ын ерөнхий ассамблей дэлхийн газрын зургийг уламжлалт Меркаторын зургаас “Equal Earth projection” зурагт шилжүүлэхийг дэмжсэн тогтоолыг баталсан.</p> <p>16 дугаар зуунд бүтээгдсэн одоогийн газрын зураг нь бөмбөрцөг хэлбэртэй дүрслэлийг хавтгайд буулгахад гарсан гажуудалтай холбоотойгоор экваторын бүслүүрийн ойролцоох тивүүдийг агшааж, Умард туйлд ойрхон тивүүдийг тэлж харуулсан байдаг.</p> <p>Үүний улмаас Меркаторын газрын зураг дээр Европ, Умард Америк тивүүд бодит хэмжээнээсээ том, Африк, Өмнөд Америк тивүүд жижиг харагддаг байв.</p> <p>Тэгвэл уг алдааг зассан “Equal Earth” газрын зураг одоо НҮБ-ын баталсан албан ёсны дэлхийн газрын зураг болж байна.</p> <p>Экваторын бүслүүрээс хол, Умард туйлд ойрхон оршдог (хойд өргөргийн 41°N болон 52°N-ын хооронд) Монгол улсын хувьд Меркаторын газрын зураг дээр бодит хэмжээнээсээ 1.5-2 дахин том харагддаг байжээ.</p> <p>Харин шинэ газрын зурагт шилжсэнээр дэлхийд дээрээсээ 19 дүгээрт ордог 1.56 сая хавтгай дөрвөлжин километр талбайтай бодит хэмжээгээрээ харагддаг болж байгаа юм байна.</p> <p> </p>