សហប្រជាជាតិអនុម័តកិច្ចព្រមព្រៀងជាលើកទី១ ស្តីពី អាវុធស្វ័យប្រវត្តិ
បន្ទាប់ពីពិភាក្សាគ្នាអស់ជាច្រើនឆ្នាំ ទីបំផុតទៅ រដ្ឋសមាជិកនៃអង្គការសហប្រជាជាតិ ចំនួនជិត១៣០ប្រទេស បានឯកភាពគ្នា ជាលើកទី១ ចុះកិច្ចព្រមព្រៀង ស្តីអំពី អាវុធស្វ័យប្រវត្តិ។ អាវុធស្វ័យប្រវត្តិ មានជាអាទិ៍ យានដ្រូន ដែលគេកំពុងប្រើប្រាស់យ៉ាងពេញនិយម ក្នុងសង្គ្រាមសម័យថ្មី។ កិច្ចព្រមព្រៀងនេះ ជាជំហានទី១ ដើម្បីឈានទៅចរចាបង្កើតសន្ធិសញ្ញាអន្តរជាតិ ជាបន្តទៀត។ ក៏ប៉ុន្តែ ប្រទេសមហាអំណាចយោធាធំៗ បានជំទាស់ និងចេះតែយកជើងរាទឹក។