តើកម្ពុជាគួរធ្វើបែបណាដើម្បីបន្ថយការពឹងផ្អែកជ្រុលលើប្រាក់ដុល្លារ?
កម្ពុជា គឺជាប្រទេសលេចធ្លោមួយដែលប្រើលុយដុល្លារកម្រិតខ្ពស់នៅក្នុងប្រព័ន្ធសេដ្ឋកិច្ច។ នេះបើតាមការិយាល័យស្រាវជ្រាវម៉ាក្រូសេដ្ឋកិច្ចអាស៊ានបូក៣ ឬ AMRO។ តាម AMRO បរិមាណប្រាក់ដែលចរាចរណ៍យ៉ាងទូលំទូលាយក្នុងចរន្តសេដ្ឋកិច្ចកម្ពុជានៅចុងឆ្នាំ២០២៥ ចំនួន ៨៣,៤% គឺជាលុយដុល្លារ។ អ្នកជំនាញសេដ្ឋកិច្ចនានាយល់ថា កម្ពុជានៅតែពឹងផ្អែកខ្លាំងលើប្រាក់ដុល្លារដោយសារការជឿទុកចិត្តរបស់អ្នកវិនិយោគលើប្រាក់ដុល្លារ និងទម្លាប់ប្រើប្រាស់លុយដុល្លាររបស់ពលរដ្ឋខ្មែរតាំងពីសម័យអ៊ុនតាក់រហូតមកដល់ពេលបច្ចុប្បន្ន។ ចំពោះអ្នកជំនាញសេដ្ឋកិច្ច កម្ពុជាមិនត្រូវពឹងផ្អែកតែលើប្រាក់ដុល្លារនោះទេ។ តើកម្ពុជាគួរធ្វើអ្វីខ្លះដើម្បីបន្ថយការពឹងផ្អែកជ្រុលលើប្រាក់ដុល្លារ?