Украины аюулаас хамгаалах газар Оросын халдлагад өртсөний дараа Зеленский ижил хариу арга хэмжээ авах үүрэг өгөв
<p>Баасан гарагийн үдээс хойш Киев хот дахь Украины аюулаас хамгаалах газрын (СБУ) төв байр Оросын нисгэгчгүй онгоцны цохилтод өртжээ.</p> <p>Тус улсын гадаад хэргийн яам уг халдлагыг “дайны цар хүрээг өргөжүүлсэн үйлдэл” гэж буруушаасан бол ерөнхийлөгч Володимир Зеленский “зохих ёсны, бодитой” хариу арга хэмжээ авах даалгаврыг СБУ-ын тэргүүн Александр Покладад өгсөн байна.</p> <p>Орон нутгийн цагаар 15:30 цагийн үед халдлага болсон бөгөөд энэ үеэр Поклад албан өрөөндөө байгаагүй, эзгүй байжээ.</p> <p>Киев хотын дарга Виталий Кличко энэ халдлагын үеэр долоон хүн шархадсан тухай мэдээлсэн байна.</p> <p>Халдлагын дараа Зеленский, Поклад нар уулзаж, Оросын халдлагын эсрэг ямар хариу арга хэмжээ авах талаар хэлэлцжээ.</p> <p>“Манай зэвсэгт хүчин уг хариу арга хэмжээг дэмжиж ажиллах болно” гэж Зеленский сошиал хуудсандаа бичсэн байна.</p> <p>Кремлийн хэвлэлийн алба Киевт болсон халдлагын талаар ямар нэг байр суурь илэрхийлээгүй юм.</p> <p>СБУ нь Оросын нутаг дэвсгэрийн гүнд томоохон ажиллагаанууд явуулдаг маш нууцлаг байгууллага.</p> <p>Тухайлбал Украины нутаг дэвсгэрт дайны гэмт хэрэг үйлдсэнд буруутгагдсан Оросын армийн албан тушаалтнуудыг устгах нууц ажиллагааг эндээс зохион байгуулдаг гэдэг.</p> <p> </p> <p>Эх сурвалж: <strong>Reuters</strong></p> <p> </p>