១០ថ្ងៃក្រោយគ្រោះទឹកជំនន់ កម្មករនេប៉ាល់២រូបត្រូវគេសង្រ្គោះអូសចេញពីរូងក្រោមដីទាំងនៅមានជីវិត
បន្ទាប់ពីបាត់ខ្លួន ជាប់គាំងនៅក្នុងរូងក្រោមដី១០ថ្ងៃ ដោយសារការទឹកជំនន់មហាប្រល័យបាក់ដី កម្មករនៅវារីអគ្គិសនីជាតិនេប៉ាល់ពីរនាក់នៅតែមានជីវិត មិនគួរឲ្យជឿ។ ពួកគេទាំងពីរត្រូវបានក្រុមជួយសង្គ្រោះអូសចេញពីរូងក្រោមដី នៅថ្ងៃសុក្រទី ៤ កញ្ញា។ ការរកឃើញជនរងគ្រោះនៅមានជីវិតយ៉ាងដូច្នេះ បានបង្កើតឲ្យមានក្តីសង្ឃឹមឡើងវិញខ្លះដល់ប្រជាជននេប៉ាល់ ដែលកំពុងបន្តស្វែងរកសាច់ញាតិរបស់ខ្លួន។ តុល្យការចុងក្រោយបង្ហាញថា ទឹកជំនន់ដ៏គំហុកដែលបណ្តាលមកពីការបាក់ផ្ទាំងទឹកកកនៅព្រំដែននេប៉ាល់ និងទីបេរបស់ចិនបានបណ្តាលឲ្យមនុស្សស្លាប់ប្រមាណ១២០០នាក់ និងបាត់ខ្លួនជាង៥ពាន់នាក់។