UNICEF៖ កុមារជិត ២០លាននាក់ ក្នុងនោះមានកុមារកម្ពុជាផងបានរងការបំពានផ្លូវភេទតាមប្រព័ន្ធអនឡាញ
អង្គការយូនីសេហ្វ (UNICEF) បានរកឃើញថា កុមារប្រមាណ ២០លាននាក់ដែលមានអាយុពី ១២ ដល់ ១៧ឆ្នាំ នៅក្នុងប្រទេសចំនួន ២១ រួមទាំងកម្ពុជាផង បានរងការបៀតបៀនផ្លូវភេទតាមប្រព័ន្ធអនឡាញក្នុងរយៈពេលមួយឆ្នាំៗ។ ខណៈពេលដែលបណ្តាញសង្គម និងហ្គេមអនឡាញកំពុងក្លាយជាកន្លែងដែលជនល្មើសអាចប្រើប្រាស់ដើម្បីចូលទៅជិត និងកេងប្រវ័ញ្ចកុមារ អ្នកជំនាញផ្នែកសន្តិសុខឌីជីថលបានជំរុញឱ្យអាជ្ញាធរកម្ពុជា ពង្រឹងការអប់រំ និងវិធានការការពារកុមារ ដើម្បីកាត់បន្ថយហានិភ័យ និងធានាសុវត្ថិភាពរបស់កុមារនៅលើប្រព័ន្ធឌីជីថល។