Э.Төгөлдөр: Нийтийн тээврийн автобус ажлын өдөр 06:00-22:30, амралтын өдөр 07:00-22:00 цаг хүртэл үйлчилнэ
<p>Нийтийн тээврийн автобусны цагийн хуваарийн талаар өнөөдөр(2026.09.03) тайлбар мэдээлэл өглөө.</p> <p>Энэ тухай <strong>Нийтийн Тээврийн Бодлогын Газрын график, мэдээллийн сан, сүлжээний инженер Э.Төгөлдөр </strong>"Нийтийн тээврийн үйлчилгээний цагийн хуваарьт өөрчлөлт ороогүй, ажлын өдөр 06:00-22:30, амралтын өдөр 07:00-22:00 цагийн хооронд иргэдэд үйлчилж байна.</p> <p>Есдүгээр сарын 1-нээс хичээлийн шинэ жил эхэлж, зорчих урсгал нэмэгдсэн тул ажлын өдөр 1,172, амралтын өдөр нийтийн тээврийн 1,012 автобус иргэдэд үйлчилнэ.</p> <p>Зуны улиралд нийтийн тээврийн автобусны тоог багасгаж ажлын өдөр 1,087, амралтын өдөр 939 автобус үйлчилгээнд явсан юм.</p> <p>Харин шөнийн тээврийн автобус ажлын болон амралтын өдрүүдэд оройн 22:30 цагаас 02:00 цагийн хооронд явж байна" гэв.</p>