Налайхын үйлдвэрлэл, технологийн паркийн нутаг дэвсгэрт ДЦС барихаар болов
<p>Налайхын үйлдвэрлэл, технологийн паркийн нутаг дэвсгэрт 2х15х2 МВА буюу 60 MBA цахилгаан, 2×35 Гкал/цаг буюу 70 Гкал дулаан үйлдвэрлэх хүчин чадалтай дулааны цахилгаан станц барихаар болжээ.</p> <p><strong>НЗДТГ-ын хэвлэл мэдээлэл, олон нийттэй харилцах хэлтсээс</strong> мэдээлснээр Монгол Улсад үйл ажиллагаа явуулдаг “Си Вай Си Кэй” ХХК-тай уг станцыг барих чиглэлээр хамтран ажиллах санамж бичгийг өнөөдөр байгуулсан байна.</p> <div class="ikonmedia margin-bottom16" contenteditable="false" da="zoom"><img class="thumb" src="https://content.ikon.mn/news/2026/9/2/3sibrc_6a97ba920e1ea02d0ac515b4_ph.jpg" /> <img alt="зураг" class="ikonlazy" data-action="zoom" data-src="https://content.ikon.mn/news/2026/9/2/3sibrc_6a97ba920e1ea02d0ac515b4_x974.jpg" /> <div class="ikonarsave" style="font-size: 0;line-height: 0;padding-bottom: 56.25%;"> </div> </div> <p class="phalf">Станц ашиглалтад орсноор Налайхын үйлдвэрлэл, технологийн паркийн аж ахуйн нэгж, үйлдвэрүүдийн өсөн нэмэгдэж буй цахилгаан, дулааны эрчим хүчний хэрэгцээг найдвартай, тогтвортой хангах аж.</p> <p>Монгол Улсад үйл ажиллагаа явуулдаг “Си Вай Си Кэй” ХХК нь БНХАУ-ын хөрөнгө оруулалттай компани байна.</p> <p>Харин Налайхын үйлдвэрлэл, технологийн парк нь 310 га талбайд барилгын материал болон хөнгөн үйлдвэрлэлийн чиглэлийн үйлдвэр, ААН-үүдийг кластер хэлбэрээр байршуулан дэд бүтцээр хангаж, үйл ажиллагаа явуулахад менежментийн дэмжлэг үзүүлэх чиг үүрэг бүхий төрийн өмчийн байгууллага юм.</p> <p>Үндэсний цэцэрлэгт хүрээлэнд зохион байгуулсан Цөлжилттэй тэмцэх тухай НҮБ-ын конвенцын Талуудын 17 дугаар бага хурлын(COP17) үеэр Налайхын үйлдвэрлэл, технологийн парк ХК-ийн хэрэгжүүлж буй төсөл, хөтөлбөр, хөрөнгө оруулалтын боломжийг дотоод, гадаадын хөрөнгө оруулагчдад танилцуулжээ.</p>