С.Бямбацогт: Ээлжит бус чуулганыг зарлан хуралдуулж, төсвийн тодотголыг хэлэлцэхээр боллоо
<p>УИХ-ын ээлжит бус чуулганыг зарлан хуралдуулах болсон талаар мэдээллээ. </p> <p><strong>Монгол Улсын Их Хурлын дарга С.Бямбацогт </strong>“Өнөөдөр УИХ-ын даргын дэргэдэх зөвлөл хуралдаад ээлжит бус чуулганыг зарлан хуралдуулахаар боллоо.</p> <p>Наймдугаар сарын 20-нд Засгийн газраас төсвийн тодотголыг өргөн барьсан. Мөн сөрөг хүчнээс ээлжит бус чуулганыг хуралдуулах санал гаргаж байсан.</p> <p>Төсвийн тодотгол өргөн барьсантай холбоотойгоор Үндэсний аудитын болон Төсвийн тогтвортой байдлын зөвлөлийн дүгнэлтийг заавал танилцуулах ёстой байдаг. Дүгнэлтийг танилцуулахад 14 хоногийн хугацаа шаардлагатай. Энэ дүгнэлтүүд өнөө маргаашгүй УИХ-д ирж байгаа. Тиймээс ээлжит бус чуулган хуралдах нөхцөл хангагдсан гэж үзэж болно.</p> <p>Ингээд УИХ-ын даргын дэргэдэх зөвлөлөөс 2026 оны есдүгээр сарын 7-ны Даваа гарагийн 10:00 цагт Монгол Улсын Их Хурлын ээлжит бус чуулганыг зарлах хуралдуулахаар шийдвэрлэлээ. Ээлжит бус чуулганаар зөвхөн төсвийн тодотгол хэлэлцээд есдүгээр сарын 14-ний 17:00 цагт хаана" гэв. </p> <p><span style="font-size:12pt"><span style="font-family:Calibri,sans-serif"></span></span></p>