ព្រះមហាក្សត្រ៖សេចក្តីស្អប់មិនអាចរំលាយដោយសេចក្តីស្អប់បានឡើយ គឺមានតែសេចក្តីស្រឡាញ់ប៉ុណ្ណោះ ដែលអាចរំលាយសេចក្តីស្អប់បាន
នៅចំពោះមុខប្រមុខរដ្ឋ ប្រមុខរដ្ឋាភិបាល និងគ្រួសារហ្វ្រង់កូហ្វូនីទូទាំងពិភពលោក ព្រះមហាក្សត្រកម្ពុជា ព្រះបាទសម្តេចព្រះបរមនាថ នរោត្តម សីហមុនី បានរំលេច នូវប្រវត្តិនៃការកកើតស្ថាប័នហ្រ្វង់កូហ្វូនី ដែលក្នុងនោះព្រះបិតាព្រះអង្គ ព្រះករុណា នរោត្តម សីហនុ គឺជាស្ថាបនិកមួយព្រះអង្គ ក្នុងចំណោមស្ថាបនិកទាំង៤រូប។ គុណបំណាច់ ព្រះរាជបន្ទូលសំខាន់ៗ ព្រះរាជសកម្មភាពពីអតីតកាលរបស់អតីតព្រះមហាក្សត្រក្នុងការលើកស្ទួយហ្វ្រង់កូហ្វូនី ក៏ត្រូវបានព្រះមហាក្សត្របច្ចុប្បន្នលើកឡើងផងដែរ។