Méi wéi véier Stonne blockéiert: Franséisch Frontalieren haten en Donneschdegowend ee laange Wee an de Feierowend
Frontalieren, déi en Donneschdeg den Owend mam Zuch ënnerwee waren, haten ee laangen Heemwee. Den Zuchverkéier tëscht Frankräich a Lëtzebuerg gouf en Donneschdeg géint 16:30 Auer wéinst enger Pann agestallt. Ma och no 20 Auer goung et fir d'Frontalieren, déi zu Beetebuerg festsouzen, nach net weider.