អ៊ីរ៉ង់បញ្ចេញឲ្យគេឃើញឃ្លាំងស្តុក និងរោងចក្រផលិតមីស៊ីលនៅក្រោមដីដ៏ខ្វាត់ខ្វែង
កងឆ្មាំបដិវត្តន៍អ៊ីរ៉ង់កាលពីថ្ងៃអង្គារទី១០វិច្ឆិកាបានបង្អួតឲ្យគេឃើញកន្លែងស្តុក និងផលិតមីស៊ីលដ៏ធំសម្បើមមួយនៅក្រោមដី។ ក្នុងរូបភាពវីដេអូដែលទីភ្នាក់ងារព័ត៌មានReuters បានទទួលពីភាគីអ៊ីរ៉ង់នៅថ្ងៃអង្គារទី១០វិច្ឆិកា គេឃើញមេទ័ពអ៊ីរ៉ង់ អមដំណើរដោយប្រធានកងកម្លាំងអាកាសដើរត្រួតពល និងកន្លែងស្តុកមីស៊ីល។ អ្នកនាំពាក្យរបស់ឆ្មាំបដិវត្តន៍អ៊ីរ៉ង់អះអាងថា ការវាយប្រហាររបស់សត្រូវមិនបានបន្ទុចបង្អាក់សកម្មភាព កម្មវីធីផលិត និងអភិវឌ្ឍអាវុធរបស់អ៊ីរ៉ង់នោះទេ។