Elelo lOshilando la dja mokalungu molweengunga domayakulo
Ovakalimo vomOvenduka ove na eengunga domayakulo amuni da koya eemiliona N$900. Eshi osha fininika muni a tete ko omayakulo aye opo ovakalimo va fute. Omukulunhuwiliki wOshilando Moses Matyayi Etitano okwa ti muni ota twikile nokukatukila onghatu ovo inava hala okufuta omayakulo avo. Eshi osha landula eindilo la ningwa komunandjungu woipambele wouyuki wopanghalafano noku li omunashipundi wehangano loKhomas Residents and Ratepayers Association Shaun Gariseb tali pula ovakalimo vaha fute oiniwe yamuni eemwedi nhatu. Etivali la dja ko, Gariseb okwa pula ovakalimo vaha pitike muni a tete ko omayakulo avo molweengunga. Okwa ti okuteta ko omayakulo itaku kandula po oupyakadi weengunga damuni.