អឺរ៉ុបទាមទារឲ្យTikTokកែប្រែប្រព័ន្ធអាល់ហ្គោរីតម៍ ដើម្បីកាត់បន្ថយឥទ្ធិពលអាក្រក់លើអ្នកប្រើប្រាស់
កាលពីថ្ងៃសុក្រទី៦វិច្ឆិកា សហភាពអឺរ៉ុប បានទាមទារទៅកាន់ក្រុមហ៊ុនបណ្តាញសង្គម TiktTok ឲ្យធ្វើការកែប្រែជាបន្ទាន់ នូវប្រព័ន្ធអាល់ហ្គោរីតម៍ នៃលំហូរវីដេអូថ្មីៗ ដែលលោតចេញមកតាមគណនីអ្នកប្រើប្រាស់ម្នាក់ៗ។ យោងតាមរបាយការណ៍ស្រាវជ្រាវ ដែលបានចាប់ផ្តើមធ្វើតាំងពីឆ្នាំ២០២៤ គណៈកម្មការអឺរ៉ុបបានសន្និដ្ឋានឃើញថា គម្រូអាល់ហ្គោរីតម៍របស់ TikTok អាចជះឥទ្ធិពលអាក្រក់យ៉ាងខ្លាំង ទៅលើសតិអារម្មណ៍ ស្មារតី និងសុខភាពផ្លូវចិត្តរបស់អ្នកប្រើប្រាស់។