Omutengenekwafaneko wa fiya ko ovakwashiwana
Oilyo yeengudu domilameno mopaliamente oya yandja oushima ketalululo lomutengenekwafaneko womokati komudo, tai ti owa dopa okuungaunga neemumbwe dOvanamibia ovo tava mono oixuna keshe efiku, inau kwatela mo okutota oilonga, enghonopeko lovanyasha, okulonga oikulya nomayakulo a fimana. Eshi kwa li ta kufa ombinga meenghundafana detalululo lomutengenekwafaneko Etivali, presidente wongudu yoAll People’s Party, Ambrosius Kumbwa okwa ti epangelo nali xulife po okukala le likolelela meengunga. Okwa ti oikwanoipangifo moshikondo shounamapya nounaimuna natango inai wanena okulundululila eefaalama dishona meefaalama dopangeshefa, osho sha fiya Namibia a tala unene mokulanda oinima kondje yoshilongo, unene ngaa koSouth Africa. Kumbwa okwa pula oshikondo shounamapya nounaimuna shi pewe