លោក ហ៊ុន ម៉ាណែត ចំអកឲ្យលោក សម រង្ស៊ី ថាមិនហ៊ានតវ៉ាកាសែតថៃរឿងផ្សាយថា «ខ្មែរបាញ់មុន»
លោកនាយករដ្ឋមន្ត្រី ហ៊ុន ម៉ាណែត បានចំអកទៅលោក សម រង្ស៊ី ថាមិនហ៊ានតវ៉ាទៅកាន់កាសែតថៃ ដើម្បីការពារកិត្តិយសប្រទេសជាតិ ជុំវិញការផ្សាយថា «ខ្មែរជាអ្នកបាញ់មុន» ក្នុងជម្លោះព្រំដែនខ្មែរ-ថៃ។ ផ្ទុយទៅវិញ បែរជាហ៊ានផ្ញើលិខិតទៅប្រធានាធិបតីបារាំង ស្នើកុំឱ្យមកបំពេញទស្សនកិច្ចនៅកម្ពុជា។ ការលើកឡើងរបស់លោក ហ៊ុន ម៉ាណែត ដូចនេះ ធ្វើឡើងអំឡុងពេលលោកចុះទៅខេត្តពោធិ៍សាត់នៅថ្ងៃទី៥ ខែវិច្ឆិកានេះ ដើម្បី ចែកពូជស្រូវ និងស្បៀង ដល់ពលរដ្ឋដែលរងផលប៉ះពាល់ដោយទឹកជំនន់។