តើប្រជាជនអាមេរិកបោះឆ្នោតលើអ្វីខ្លះ នៅក្នុងឱកាសនៃការបោះឆ្នោតពាក់កណ្តាលអាណត្តិ “Midterms”?
នៅថ្ងៃទី៣វិច្ឆិកានេះ ប្រជាជនអាមេរិកប្រមាណ២៥០លាននាក់ ត្រូវចូលរួមបោះឆ្នោតពាក់កណ្តាលអាណត្តិ ឬហៅថា Midterms ដ៏ស្មុគស្មាញសាំញ៉ាំបំផុត ព្រោះមានការបោះឆ្នោតច្រើន ព្រមគ្នាក្នុងពេលតែ១។ មិនមែនត្រឹមតែដើម្បីជ្រើសសមាសភាពថ្មីនៃសភាតំណាងប៉ុណ្ណោះទេ ប្រជាជនអាមេរិកត្រូវបោះឆ្នោតផ្លាស់ប្តូរសមាសភាព១ភាគ៣ នៃព្រឹទ្ធសភាថែមទៀត។ បន្ថែមពីនេះ ក្នុងឱកាសនេះដែរ ក៏មានការបោះឆ្នោតជ្រើសរើសអភិបាលរដ្ឋមួយចំនួន ព្រមទាំងមេឃុំសង្កាត់ថែមទៀតផង។ លទ្ធផលនៃការបោះឆ្នោតពាក់កណ្តាលអាណត្តិនេះ អាចជះឥទ្ធិពលខ្លាំងណាស់ ទៅលើរយៈពេល២ឆ្នាំទៅមុខ នៃអាណត្តិដឹកនាំរបស់លោកប្រធានាធិបតី ដូណាល់ ត្រាំ។