Umwe a dipawa kondjabameva manga ta kwata eeshi
Omulumenhu omukwashiwana waZambia (44) okwa ponokelwa nokudipawa kondjabameva loLake Lyambezi Etivali. Nakufya oye Figo Walubita novakwapata vaye ova shiivifilwa nale onghundana yefyo laye. Komufala wopolifi koZambezi Julia Sakuwa-Neo okwa koleka oshiningwanima eshi koThe Namibian Etitatu. Sakuwa-Neo okwa ti nakufya okwa li ta kwata eeshi nakaume kaye lwopotundi 09h00 popepi nohambo yedina Kamatanda eshi va shakeneka eendjabameva mbali da handuka momeva. “Eendjabameva edi mbali oda ya di ka ponokele okawato, omo va li ndele taka tenguka. Nakufya nakaume kaye ova wila momeva, ndele ondjabameva imwe tai ponokele nakufya fiyo ta xulifa. Kaume kaye okwe shi pondola okufaduka po ndele ta ka