ស្វ៊ីសដាក់មន្រ្តី និងបើកការិយាល័យការទូតនៅកូរ៉េខាងជើងដើម្បីស្តារកិច្ចសន្ទនានយោបាយ
រដ្ឋមន្ត្រីការបរទេសស្វ៊ីស លោក អ៊ីញ៉ាហ្សីអូ កាសស៊ីស (Ignazio Cassis) បានផ្តើមដំណើរទស្សនកិច្ចនៅឧបទ្វីបកូរ៉េដោយចាប់ផ្តើមពីប្រទេសកូរ៉េខាងជើងរយៈពេល ២ថ្ងៃពីថ្ងៃព្រហស្បតិ៍ដល់ថ្ងៃសុក្រទី ៣០ តុលា។ កម្មវត្ថុនៃទស្សនកិច្ចរបស់លោក អ៊ីញ៉ាហ្សីអូ កាសស៊ីស នៅទីក្រុងព្យុងយ៉ាងគឺដើម្បីជំរុញ និងពង្រឹងទំនាក់ទំនងការទូតរវាងប្រទេសទាំងពីរ តាមរយៈការបើកការិយាល័យការទូតរបស់ស៊្វីសនៅកូរ៉េខាងជើង។