តើការបង្ហោះសេវាកម្មផ្លូវភេទតាមបណ្តាញសង្គមនឹងធ្វើឲ្យប៉ះពាល់ដល់សង្គមខ្មែរយ៉ាងណា?
ថ្មីៗនេះ ការបង្ហោះលក់ខ្លួន ឬពេស្យាចារ តាមបណ្តាញសង្គម ជាពិសេសតាមតិកតុក បានក្លាយជាការផ្សព្វផ្សាយមួយដ៏ពេញនិយមរបស់អ្នកលក់ទិញសេវាកម្មផ្លូវភេទ។ បញ្ហានេះ បានញ៉ាំងឲ្យអ្នកឃ្លាំមើលនានាទាញការចាប់អារម្មណ៍ អំពីផលប៉ះពាល់ដ៏អវិជ្ជមាននៅក្នុងសង្គមខ្មែរ។ ក្រុមអ្នកតាមដានសង្គម បានជំរុញឲ្យរដ្ឋាភិបាលពិនិត្យមើលករណីនេះ ដោយមិនត្រូវបណ្តែតបណ្តោយឲ្យរូបភាពនេះរាលដាលពេញបណ្តាញសង្គមនោះឡើយ។