ប៉ូលិសកម្ពុជា-សិង្ហបុរី ជួយសង្គ្រោះប្រាក់ ១២,៨លានដុល្លារ របស់ក្រុមហ៊ុនសិង្ហបុរី ដែលត្រូវជនឆបោកបន្លំតាមអ៊ីម៉ែល
នគរបាលជាតិកម្ពុជា សហការជាមួយនគរបាលសិង្ហបុរី និងធនាគារជាតិនៃកម្ពុជា បានទប់ស្កាត់ និងសង្គ្រោះដោយជោគជ័យប្រាក់ចំនួន ១២,៨លានដុល្លារអាមេរិក របស់ក្រុមហ៊ុនគីមីឥន្ធនៈមួយ ដែលមានមូលដ្ឋាននៅប្រទេសសិង្ហបុរី។ ប្រតិបត្តិការរួមកម្ពុជា-សិង្ហបុរីនេះ ធ្វើឡើងបន្ទាប់ពីជនល្មើសបានផ្ញើសារតាមប្រព័ន្ធអេឡិចត្រូនិចអ៊ីម៉ែល ឱ្យក្រុមហ៊ុនគីមីឥន្ធនៈនេះ ផ្ទេរប្រាក់ទៅកាន់គណនីធនាគារក្លែងក្លាយមួយនៅកម្ពុជា។