រុស្ស៊ីបានវាយប្រហារដោយដ្រូនលើស្ថានីយ៍រថភ្លើងអ៊ុយក្រែនសម្លាប់មនុស្សយ៉ាងតិច ១៤នាក់
នៅថ្ងៃព្រហស្បតិ៍ ទី២៩ តុលា រុស្ស៊ីបានវាយប្រហារដោយដ្រូនលើស្ថានីយ៍រថភ្លើងមួយស្ថិតក្នុងភាគកណ្តាលប្រទេសអ៊ុយក្រែន។ គិតត្រឹមរសៀលថ្ងៃព្រហស្បតិ៍ ទី ២៩ តុលានិងបើផ្អែកតាមតួលេខផ្តល់ដោយអាជ្ញាធរអ៊ុយក្រែន មានមនុស្សស្លាប់យ៉ាងតិច ១៤នាក់ និងរងរបួស ១៤នាក់ផ្សេងទៀត។ ប្រធានាធិបតីអ៊ុយក្រែន លោក វ៉ូឡូឌីមៀរ ហ្សេឡេនស្គី បានថ្កោលទោសការវាយប្រហារនេះថាជាទង្វើដ៏គួរឲ្យរន្ធត់មួយ និងអំពាវនាវឲ្យសម្ព័ន្ធមិត្តបន្តដាក់សម្ពាធលើរុស្ស៊ីកាន់តែខ្លាំង។