លោក ហ៊ុន ម៉ាណែត ចោទសួរក្រុមប្រឆាំងដែលស្ងៀមស្ងាត់រឿងពលរដ្ឋថៃបាត់ដីធ្វើចម្ការដោយការសង់របងព្រំដែន
នៅថ្ងៃទី២៨ ខែតុលា ឆ្នាំ២០២៦ លោកនាយករដ្ឋមន្រ្តី ហ៊ុន ម៉ាណែត បានចោទសួរក្រុមអ្នកនយោបាយខ្មែរនៅក្រៅប្រទេសចំពោះការមិនប្រតិកម្មជុំវិញការចុះផ្សាយរបស់សារព័ត៌មានថៃពាក់ព័ន្ធនឹងការសាងសង់របងបេតុងជាឯកតោភាគីរបស់ថៃនៅចន្លោះបង្គោលព្រំដែនលេខ ៥២ ដល់ ៥៩។ ការសង់របងបេតុងនេះបានធ្វើឱ្យពលរដ្ឋថៃ ៦៦គ្រួសារមិនអាចបន្តធ្វើចម្ការលើដីដែលពួកគេធ្លាប់ប្រើប្រាស់បាន។ តែអ្នកនយោបាយខ្មែរនៅក្រៅប្រទេសបានចាត់ទុកការលើកឡើងរបស់លោក ហ៊ុន ម៉ាណែត ថាជាការលួងចិត្តពលរដ្ឋ និងបន្តចោទប្រកាន់ថា របងរបស់ថៃបានសាងសង់ចូលទឹកដីកម្ពុជា។