WJP៖ កម្ពុជាបន្តស្ថិតក្នុងចំណាត់ថ្នាក់ជិតបាតតារាងពាក់ព័ន្ធនឹងប្រព័ន្ធយុត្តិធម៌សង្គម
កម្ពុជាបន្តស្ថិតក្នុងចំណោមប្រទេសដែលមានចំណាត់ថ្នាក់ទាបបំផុតលើសន្ទស្សន៍នីតិរដ្ឋឆ្នាំ២០២៦ របស់គម្រោងយុត្តិធម៌ពិភពលោក(World Justice Project) ដោយស្ថិតនៅលេខរៀងទី ១៤០ ក្នុងចំណោម ១៤៣ប្រទេស និងមានពិន្ទុសរុប ០,៣១ លើពិន្ទុអតិបរមា ១។ បើធៀបនឹងឆ្នាំ ២០២៥ លេខរៀងនេះបានកើនឡើងមួយលេខ តែពិន្ទុសរុបស្ថិតនៅដដែល។ សម្រាប់ស្ថាប័នអន្តរជាតិមួយនេះ បញ្ហានីតិរដ្ឋ និងសិទ្ធិមនុស្សនៅតែជាប្រធានបទនៃការព្រួយបារម្ភ។ តែក្រសួងយុត្តិធម៌កម្ពុជាចាត់ទុករបាយការណ៍នេះថាមិនទាន់ឆ្លុះបញ្ចាំងពេញលេញពីតថភាពជាក់ស្តែង។