ថៃគ្រោងចំណាយលុយ ១ ៥០០លានដុល្លារដើម្បីជំរុញការប្រើប្រាស់ថាមពលសូឡានៅតាមផ្ទះ
រដ្ឋាភិបាលថៃគ្រោងផ្តល់ប្រាក់ឧបត្ថម្ភធនដល់ប្រជាពលរដ្ឋដល់ជិត ១៥០០ដុល្លារក្នុងមួយគ្រួសារ ដើម្បីជួយសម្រួលដល់ការចំណាយលើការបំពាក់ប្រព័ន្ធថាមពលសូឡាតាមផ្ទះ។ វិធានការនេះធ្វើឡើងចំពេលដែលរដ្ឋាភិបាលកំពុងស្វែងរកការអភិវឌ្ឍថាមពលកកើតឡើងវិញ និងកាត់បន្ថយការពឹងផ្អែកលើការនាំចូលថាមពលដែលមានតម្លៃខ្ពស់។ តែនៅក្នុងគម្រោងដែលមានថវិកា ១ ៥០០លានដុល្លារនេះ រដ្ឋាភិបាលគ្រោងផ្តល់ជូនត្រឹមមួយលានគ្រួសារប៉ុណ្ណោះ។